Mipela i nidim wanem kain infomesen?
Taim wanpela sikman o sik meri i stap insait long Max Access Security (MAS) progrem, mipela bai kolektim, holim i stap, na putim i go long komputa (olgeta Pesenel Infomesen we i stap daunbilo em mipela bai, “putim i go long komputa”:
- nem bilong yu;
- yu man o meri;
- deit we yu bon long en;
- ol fon namba bilong ringim yu;
- imeil adres bilong yu;
- adres bilong salim leta i kam long yu;
- haus sik na dokta we yu wok long kisim tritmen long en;
- hamas mani yu save kisim long fotnait o wanem kain rot yu save kisim mani long en (sapos dispela em i toktok long yu); na
- kontek infomesen bilong ol lain i wok long lukautim yu (sapos dispela em i toktok long yu).
(olgeta dispela samting em, “Pesenel Infomesen” bilong yu)
Long mipela i ken givim gutpela sapot na lukaut, mipela bai putim ol dispela Pesenel Infomesen We Nogat Lain Nating I Mas Save:
- sik we dokta i tok olsem yu gat long en;
- deit we em i mekim dispela tok;
- tritmen we yu bai kisim;
- ol de na ol samting i kamap long ol PCR test bilong yu (sapos i gat).
(olgeta dispela samting em, “Pesenel Infomesen” bilong yu)
Long wanem we na long wanem as mipela bai putim Pesenel Infomesen na Pesenel Infomesen We Nogat Lain Nating I Mas Save i go long komputa?
Mipela i kisim ol Pesenel Infomesen na Pesenel Infomesen We Nogat Lain Nating I Mas Save we yu, ol lain i lukautim yu o dokta bilong yu i givim mipela taim yu aplai long stap olsem wanpela sikman o sikmeri insait long wanpela bilong ol MAS progrem bilong mipela. Mipela bai putim ol Pesenel Infomesen na Pesenel Infomesen We Nogat Lain Nating I Mas Save i go long komputa bikos long ol dispela as tingting:
- long luksave long yu i husat;
- long toktok wantaim yu;
- long givim sapot na lukautim yu;
- bilong stori wantaim yu long sik o marasin yu kisim;
- long mekim bai mipela i ken bihain ol samting we lo na gaidlain i tokim mipela long mekim;
- ol narapela wok long sait bilong lukautim pepa wok na lukautim ron bilong Programs.
(olgeta dispela samting em, ol “Ol As Tingting”).
Mipela i ken yusim infomesen bilong yu long rot we i bungim infomesen bilong olgeta sikmanmeri wantaim na long rot we no gat lain bai i save olsem mipela i toktok long yu taim mipela i laik raitim na pablisim wanpela samting. Dispela em i min olsem wanem ol infomesen we i ken putim yu i kam ples klia (eksampel em nem, deit yu bon long en, adres) em mipela bai rausim na no gat wanpela man o meri i ken lukim dispela na bai i ken luksave long yu.
Mipela bai tokim husat long Pesenel Infomesen na Infomesen We Nogat Lain Nating I Mas Save?
Mipela i ken soim Pesenel Infomesen o Infomesen We Nogat Lain Nating I Mas Save i go long:
- ol narapela oganaisesen we i wok insait long The Max Foundation; na
- polis o sekuriti wanpela oganaisesen o gavman ofis sapos lo i tok olsem mipela i mas mekim olsem.
Pesenel Infomesen bilong yu na Infomesen We Nogat Lain Nating I Mas Save em ol save stap long ples bilong mipela long putim infomesen long intanet na em i seif. Dispela ol infomesen i save ples bilong putim infomesen em ol i save lukautim long United States.
Mipela bai no inap long tokaut long Pesenel Infomesen bilong yu na Infomesen We Nogat Lain Nating I Mas Save long wanpela narapela oganaisesen we i stap olsem namel man. Mipela bai kisim tok orait bilong yu pastaim long mekim dispela. Mipela bai lukautim gut Pesenel Infomesen bilong yu na Infomesen We Nogat Lain Nating I Mas Save na lukim olsem ol i stap long ples we i seif.
Wanem ol samting i ken kamap long yu sapos yu no tok orait long mipela i putim Pesenel Infomesen bilong yu i go long komputa na
Sapos yu no tok orait long putim Pesenel Infomesen bilong yu na Infomesen We Nogat Lain Nating I Mas Save i kam aninit long dispela Toksave Bilong Pesenel Infomesen, yu bai no inap long stap insait long ol progrem bilong The Max Foundation.
Rait bilong yu long banisim infomsesen:
Aninit long lo bilong banisim ol infomesen bilong yu, yu gat rait ol dispela rait:
- Rait bilong yu long save long wanem infomesen bilong yu narapela i wok long kisim – Yu gat rait long save long wanem infomesen bilong yu, narapela i wok long kisim, wanem we em i wok long yusim, hamas taim em bai holim infomesen bilong yu i stap na sapos em bai serim wantaim ol namel man.
- Rait bilong yu long kisim infomesen bilong yu – Yu gat rait long askim long wanpela kopi bilong pesenel infomsen bilong yu.
- Yu gat rait long askim long korektim infomesen bilong yu – Yu gat rait long askim ol long korektim infomesen yu ting olsem i no stret o i gat sampela samting i no stap insait long en.
- Rait bilong yu long rausim infomsesen bilong yu – Sampela taim, yu ken gat rait long askim mipela long rausim pesenel infomesen bilong yu.
- Rait bilong yu long stopim mipela long putim infomesen bilong yu long komputa – Sampela taim, yu ken gat rait long askim mipela long stop long putim infomesen bilong yu i go long komputa.
- Rait bilong yu long tok nogat long mipela long putim infomsesen bilong yu i go long komputa – Sampela taim, yu gat rait long tok nogat long mipela long putim Pesenel Infomesen bilong yu go long komputa.
- Rait bilong yu long salim infomesen bilong yu i go long narapela oganaisesen – Sampela taim, yu gat rait long askim mipela long salim infomesen we yu bin givim long mipela, i go long narapela oganaisesen, o i go long yu.
- Yu gat rait long kisim wanpela toksave sapos infomsesen bilong yu i no seif moa – yu gat rait long kisim wanpela toksave sapos infomesen bilong yu i no seif moa long wanpela bilong Hait Helt Infomesen bilong yu.
Yu bai no inap long baim narapela moni long prektisim ol dispela rait bilong yu. Sapos yu mekim wanpela rikwes, mipela bai kisim wanpela mun long bekim dispela rikwes bilong yu.
Plis kontektim mipela long dispela ol adres, sapos yu laik mekim wanpela rikwes:
The Max Foundation/MaxAid
1448 NW Market St.
Suite 500
Seattle, WA 98107
+1 (206) 778-8660
info@themaxfoundation.org
