ང་བཅས་ཀྱིས་ གནས་ཚུལ་ག་ཅི་ར་ བསྡུ་ལེན་འབདཝ་སྨོ?

ནདཔ་འདི་ མེཤ་ལྷོད་ལམ་དང་ཐབས་ཤེས་ཀྱི་ལས་རིམ་ནང་ བཅའ་མར་གཏོགས་ནི་ཨིན་པ་ཅིན་ འོང་ལུ་བཀོད་པའི་སྒེར་འབྲེལ་གྱི་གནས་སྡུད་ཚུ་ བསྡུཝ་ཨིན།

• ཁྱོད་རའི་མིང་།
• ཁྱོད་ཀྱི་ཕོ་མོའི་དབྱེ་བ།
• ཁྱོད་ཀྱི་སྐྱེས་བའི་སྤྱི་ཚེས།
• ཁྱོད་ཀྱི་བརྒྱུད་འཕྲིན་ཨང་།
• ཁྱོད་ཀྱི་གློག་འཕྲིན་ཁ་བྱང་།
• ཁྱོད་རའི་འབྲེལ་མཐུན་ཁ་བྱང་།
• ཁྱོད་ར་སྨན་ཁང་དང་དྲུང་འཚོ་ག་ལས་སྨན་བཅོས་ལེནམ་ཨིན་ན།
• ཁྱོད་རའི་འོང་འབབ་དང་ དངུལ་འབྲེལ་གྱི་གནས་ཚད། ༼འཇུག་རུང་བ་ཨིན་པ་ཅིན༽
• ཁྱོད་ཀྱི་གཅེས་སྐྱོང་པའི་འབྲེལ་འཐབ་སའི་ཁ་བྱང་།༼འཇུག་རུང་བ་ཨིན་པ་ཅིན༽

༼དོན་ཆེད་ལུ་ ཁྱོད་རའི་སྒེར་འབྲེལ་གྱི་གནས་སྡུད་ཨིན༽

ང་བཅས་ཀྱིས་ རྒྱབ་སྐྱོར་དང་ གཅེས་སྐྱོང་གང་དྲག་བྱིན་ཐབས་ལུ་ འོག་ལུ་ བཀོད་ཡོད་པའི་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ཡང་ བསྡུ་ལེན་འབད་ནི་ཨིན།

• ཁྱོད་ཀྱི་ནད་གཞི་ངོས་བཟུང་བའི་བརྟག་དཔྱད།
• ཁྱོད་ཀྱི་ནད་བརྟག་གི་སྤྱི་ཚེས།
• ཁྱོད་ཀྱིས་ ལེན་མི་སྨན་བཅོས།
• ཁྱོད་རའི་ པི་སི་ཨཱར་ ནད་བརྟག་གི་གྲུབ་འབྲས། (འཇུག་རུང་བ་ཅིན།)

༼དོན་ཆེད་ལུ་ཁྱོད་རའི་ཚོར་ཤུགས་ཅན་གྱི་སྒེར་འབྲེལ་གནས་སྡུད་ཨིན༽

ང་བཅས་ཀྱིས་ ག་དེ་སྦེ་དང་ ག་ཅི་སྦེ་ ཁྱོད་ཀྱི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ བསྡུ་ལེན་འབདཝ་ཨིན་ན?

ཁྱོད་ཀྱིས་ མེཤ་ལྷོད་ལམ་དང་ཐབས་ཤེས་ཀྱི་ལས་རིམ་ནང་ལུ་ བཅའ་མར་གཏོགས་ནིའི་དོན་ལུ་ ཞུ་བ་འབདཝ་ད་རྐྱངམ་ཅིག་ ང་བཅས་ཀྱིས་ ཐད་ཀར་དུ་ ཁྱོད་ལས་དང་ ཁྱོད་རའི་ནད་གཡོགཔ་དང་ ཡང་ན་ ཁྱོད་ཀྱི་དྲུང་འཚོ་ལས་ སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ བསྡུ་ལེན་འབདཝ་ཨིན་ན ? ང་བཅས་ཀྱིས་ ཁྱོད་ཀྱི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ བསྡུ་ལེན་འབད་དགོ་པའི་དགོས་པ་དེ་ཡང་ :

• ཁྱོད་ ངོས་འཛིན་འབད་ནི་དོན་ལུ།
• ཁྱོད་དང་གཅིག་ཁར་ འབྲེལ་བ་འཐབ་ནིའི་དོན་ལུ།
• ཁྱོད་ལུ་ ནད་པའི་རྒྱབ་སྐྱོར་དང་ གཅེས་སྐྱོང་བྱིན་ནི་དོན་ལུ།
• ཁྱོད་ཀྱི་ནད་གཞི་དང་ སྨན་བཅོས་ཀྱི་སྐོར་ལས་གནས་ཚུལ་བྱིན་ནི་དོན་ལུ་།
• ང་བཅས་ཀྱི་འགན་ཁུར་ཚུ་ཁྲིམས་ལུགས་ག་ར་དང་གཅིག་ཁར་གནས་ཚུགས་ནིའི་དོན་ལུ།
• ལས་རིམ་འདི་གི་བདག་སྐྱོང་དང་འཛིན་སྐྱོང་འབད་དགོ་པའི་གནད་དོན་གཞན་དང་འབྲེལ་ཡོད་པའི་རྒྱུ་མཚན་ལུ།

༼དོན་ཆེད་ལུ་ དགོས་པ། ༽ 

ང་བཅས་ཀྱིས་ སྙན་ཞུ་གསལ་བསྒྲགས་འབད་བའི་སྐབས་ལུ་ ཁྱོད་ཀྱི་གནས་སྡུད་ཚུ་ སྤྱིར་བསྡོམས་དང་ ངོ་ཕྱེ་མ་ཚུགསཔ་སྦེ་ འབད་ནི་ཨིན། དེ་འབདཝ་ལས་ ཁྱོད་ ངོས་འཛིན་འབད་ཚུགས་པའི་གནས་སྡུད་ ༼ཁྱོད་རའི་མིང་། སྐྱེས་བའི་ཚེས་གྲངས དང་ ཁ་བྱང་།༽ ཚུ་བཏོན་གཏང་མི་འདི་གིས་ མི་ག་གིས་ཡང་ ཁྱོད་ཀྱི་གནས་སྡུད་ཚུ་ ཁྱོད་ཀྱི་ཨིནམ་སྦེ་ ཤེས་མི་ཚུགས།   

ང་བཅས་ཀྱིས་ ཁྱོད་ཀྱི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ ག་ལུ་ མ་གསང་བར་སླབ་ནི་ཨིན་ན ?

ང་བཅས་ཀྱིས་ཁྱོད་ཀྱི་སྒེར་འབྲེལ་གྱི་གནས་སྡུད་དང་ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་

• མེཤ་གཞི་ཚོགས་ཀྱི་ས་ཁོངས་ནང་འཁོད་དང་
• ཁྲིམས་དང་འཁྲིལ་ ཁྲིམས་དོན་གྱི་ལས་སྡེ་ཡང་ན་ གཞུང་གྱི་ལས་སྡེ་ཚུ་ལུ་ སླབ་དགོཔ་རེ་འཐོན་པ་ཅིན་ སླབ་སྲིད།

ཁྱོད་ཀྱི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ ཨེ་མེ་རི་ཀ་ལུ་ཡོད་པའི་ ཉེན་སྲུང་དང་ལྡན་པའི ཡོངས་འབྲེལ་གྱི་གནས་སྡུད་གཞི་མཛོད་ནང་ བསྲུང་བཞགཔ་ཨིན།

ང་བཅས་ཀྱིས་ ཁྱོད་ཀྱི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ ཁྱོད་ལས་ གནང་བ་མེད་པར་ རྩ་ཕན་གཞན་ག་ལུ་ཡང་ མི་སླབ། ང་བཅས་ཀྱིས་ཡང་ ཁྱོད་ཀྱི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ ཉེན་སྲུང་དང་ལྡནམ་སྦེ་ བསྲུང་བཞག་ནི་ཨིན།

ཁྱོད་ཀྱིས་ ཁྱོད་རའི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ བསྡུ་ལེན་འབད་ཆོག་པའི་ གནང་བ་མ་བྱིན་མི་ལས་བརྟེན་ གནོད་པ་གཅི་ར་ འབྱུང་ནི་ཨིན་ན ?

ཁྱོད་ཀྱིས་ སྒེར་འབྲེལ་གྱི་གནས་སྡུད་ཁྱབ་བསྒྲགས་ཀྱི་འོག་ལུ་ ཁྱོད་རའི་སྒེར་འབྲེལ་གྱི་གནས་སྡུད་དང་ ཚོར་ཤུགས་ཅན་གྱི་སྒེར་འབྲེལ་གནས་སྡུད་ཚུ་ བསྡུ་ལེན་འབད་ཆོག་པའི་གནང་བ་མ་བྱིན་པ་ཅིན་ ཁྱོད་ར་ མེཤ་གཞི་ཚོགས་ཀྱི་ལས་རིམ་ནང་ལུ་ བཅའ་མར་གཏོགས་མི་ཚུགས།

ཁྱོད་ཀྱི་ གནས་སྡུད་ཉེན་སྲུང་གི་ ཐོབ་དབང་།

གནས་སྡུད་ཉེན་སྲུང་གི་ ཐོབ་དབང་ནང་ལུ་ ཁྱོད་ལུ་ འོག་ལུ་བཀོད་ཡོད་མིའི་ ཐོབ་དབང་ཚུ་ཡོདཔ་ཨིན།

• ཁྱོད་ལུ་ བརྡ་སྤྲོད་འབད་དགོ་པའི་ཐོབ་དབང་། – ཁྱོད་ལུ་ གནས་སྡུད་ག་ཅི་བཟུམ་ར་ བསྡུ་ལེན་འབད་ནི་ཨིན་ན་དང་ ག་དེ་སྦེ་ར་ ལག་ལེན་འཐབ་ནི་ཨིན་ན། དེ་ལས་ ནམ་ཚུན་ཚོད་ལག་ལེན་འཐབ་ནི་ཨིན་ན་དང་ རྩ་ཕན་གཞན་ལུ་ སླབ་ནི་ཨིན་ན་མེན་ན་ཚུ་གི་སྐོར་ལས་ བརྡ་སྤྲོད་འབད་དགོ་པའི་ཐོབ་དབང་ཡོད།
• ཁྱོད་ཀྱི་ འདྲ་ཡིག་ ལེན་ནིའི་ཐོབ་དབང་། – ཁྱོད་ལུ་ཁྱོད་རའི་སྒེར་འབྲེལ་གནས་ཚུལ་གྱི་འདྲ་ཡིག་དགོ་པའི་ཞུ་བ་འབད་ནིའི་ཐོབ་དབང་ཡོད།
• ཁྱོད་ཀྱི་ དག་བཅོས་འབད་ཆོག་པའི་ཐོབ་དབང་། – ཁྱོད་ཀྱིས་ ང་བཅས་ལུ་ གནས་ཚུལ་ཚུ་ འཛོལ་བ་ཡང་ན་ མ་ཚངམ་སྦེ་ཡོད་པ་ཅིན་ དག་བཅོས་(ལེགས་བཅོས)འབད་དགོཔ་སྦེ་སླབ་ནིའི་ཐོབ་དབང་ཡོད།
• ཁྱོད་ལུ་ གནས་ཚུལ་མེདཔ་བཟོ་ནིའི་ཐོབ་དབང་། – གནས་སྟངས་ལ་ལུ་ཅིག་ནང་ཁྱོད་ཀྱིས་ང་བཅས་ལུ་ཁྱོད་རའི་སྒེར་འབྲེལ་གྱི་གནས་ཚུལ་འདི་མེདཔ་སྦེ་བཟོ་གནང་ཟེར་སླབ་ནིའི་ཐོབ་དབང་ཡོད།
• ཁྱོད་ལུ་ གནས་སྡུད་བསྡུ་ལེན་འབད་ནི་ལུ་ བཀག་དམ་འབད་ནིའི་ཐོབ་དབང་། – གནས་སྟངས་ལ་ལུ་ཅིག་ནང་ ཁྱོད་ཀྱིས་ ང་བཅས་ལུ་ གནས་སྡུད་བསྡུ་ལེན་འབད་ནི་ལས་འཛེམ་དགོཔ་སྦེ་ སླབ་ནིའི་ཐོབ་དབང་ཡོད། 
• ཁྱོད་ལུ་ གནས་སྡུད་བསྡུ་ལེན་འབད་ནི་ལུ་ བཀག་རྐྱབ་ནིའི་ཐོབ་དབང་། – གནས་སྟངས་ལ་ལུ་ཅིག་ནང་ཁྱོད་ཀྱིས་ང་བཅས་ལུ་སྒེར་འབྲེལ་གནས་སྡུད་བསྡུ་ལེན་འབད་ནི་ལུ་བཀག་རྐྱབ་ནིའི་ཐོབ་དབང་ཡོད།
• ཁྱོད་ལུ་ གནས་སྡུད་བྱིན་དགོཔ་སྦེ་སླབ་ནིའི་ཐོབ་དབང་། – གནས་སྟངས་ལ་ལུ་ཅིག་ནང་ ཁྱོད་ཀྱིས་ ང་བཅས་ལུ་ གནས་སྡུད་ཚུ་ ལས་སྡེ་གཞན་ལུ་དང་ ཡང་ན་ ཁྱོད་ལུ་ བྱིན་དགོཔ་སྦེ་ སླབ་ནིའི་ཐོབ་དབང་ཡོད།
• ཁྱོད་ལུ་ ཁས་བླངས་ལས་འགལ་བའི་སྐོར་ ཤེས་ནིའི་ཐོབ་དབང་། – ཁྱོད་ལུ་ཁྱོད་ཀྱི་གསོ་བའི་གནས་ཚུལ་གྱི་སྐོར་ལས་ཁས་བླངས་ལས་འགལ་སོང་བ་ཅིན་ཁྱོད་ལུ་སླབ་དགོ་པའི་ཐོབ་དབང་ཡོད།

ཁྱོད་རའི་ཐོབ་དབང་ཚུ་ སྤྱོད་ནིའི་དོན་ལུ་ གླ་ཆ་ག་ནི་ཡང་ སྤྲོད་མིན་དགོ། ཁྱོད་ཀྱིས་ ཞུ་བ་འབད་བ་ཅིན་ ཁྱོད་ལུ་ ལན་སླབ་ནིའི་དོན་ ང་བཅས་ལུ་ ཟླཝ་གཅིག་ཡོད།

གལ་སྲིད་ ཞུ་བ་འབད་ནིའི་རེ་འདོད་ཡོད་པ་ཅིན་ འོག་ལུ་ བཀོད་ཡོད་པའི་ཁ་བྱང་དང་གཅིག་ཁར་ འབྲེལ་བ་འཐབ་གནང་།

མེཤ་གཞི་ཚོགས།
1448 NW Market St.
Suite 500
Seattle, WA 98107
+1 (206) 778-8660
+1 (206) 778-8660
info@themaxfoundation.org