අප සකසනු ලබන තොරතුරු මොනවාද?
රෝගියෙකු Max Access Solution (MAS) වැඩසටහනකට සහභාගී වන විට, අපි පහත සඳහන් පුද්ගලික දත්ත රැස්කර, රඳවා තබා ගැනීම, සහ (සාමූහිකව, “සැකසීම“) සිදු කරන්නෙමු:
- ඔබේ නම;
- ඔබේ ස්ත්‍රීපුරුෂභාවය;
- ඔබේ උපන්දිනය;
- ඔබව සම්බන්ධ කර ගත හැකි අංක (ය);
- ඔබේ ඊ–මේල් ලිපිනය;
- ඔබගේ ලිපි හුවමාරු ලිපිනය;
- ඔබ ප්‍රතිකාර ලබා ගන්නා රෝහල සහ වෛද්‍යවරයා;
- ඔබේ ආදායම හෝ මූල්‍යමය තත්ත්වය (අදාල නම්); සහ
- ඔබගේ භාරකරුගේ සම්බන්ධතා තොරතුරු (අදාල නම්).
(සාමූහිකව, ඔබගේ “පුද්ගලික දත්ත“)
අපට ප්‍රමාණවත් සහයෝගයක් සහ රැකවරණයක් සැපයීම සඳහා, අපි පහත සංවේදී පුද්ගලික දත්ත ද සකසන්නෙමු:
- ඔබේ රෝග විනිශ්චය;
- ඔබේ රෝග විනිශ්චය සිදු කළ දිනය;
- ඔබ ලබන ප්‍රතිකාර;
- ඔබේ PCR පරීක්ෂණ වල දිනයන් සහ ප්‍රතිඵල (අදාල නම්)
(සාමූහිකව, ඔබේ “සංවේදී පුද්ගලික දත්ත“)
අපි ඔබේ පුද්ගලික දත්ත සහ සංවේදී පුද්ගලික දත්ත සකසන්නේ කෙසේද සහ ඇයි?
ඔබ, අපගේ යම් MAS වැඩසටහනකට රෝගියෙකු ලෙස සහභාගී වීමට අයදුම් කරන විට අපි ඔබේ පුද්ගලික දත්ත සහ සංවේදී පුද්ගලික දත්ත ඔබෙන්, ඔබේ භාරකරුගෙන් සහ/හෝ ඔබේ වෛද්‍යවරයාගෙන් කෙලින්ම රැස් කර ගන්නෙමු. පහත අරමුණු සඳහා අපි ඔබගේ පුද්ගලික දත්ත සහ සංවේදී පුද්ගලික දත්ත සකසන්නෙමු:
- ඔබව හඳුනා ගැනීමට;
- ඔබ සමඟ සන්නිවේදනය කිරීමට;
- ඔබට රෝගි සහාය සහ රැකවරණය සැපයීමට;
- ඔබේ රෝගය හෝ ප්‍රතිකාර සම්බන්ධයෙන් තොරතුරු ඔබ සමඟ බෙදාගැනීමට;
- ඕනෑම නීතියක් හෝ රෙගුලාසියක් යටතේ අපගේ වගකීම්වලට අනුකූල වීමට අපට හැකියාව ලබා දීමට;
- වැඩසටහන් පරිපාලනය සහ කළමනාකරණයට අදාළ වෙනත් ඕනෑම අරමුණු.
(සාමූහිකව, “අරමුුණු“).
අපි ඔබේ දත්ත, ප්‍රකාශන සඳහා සමස්ථ සහ හඳුනාගත නොහැකි ආකාරයෙන් භාවිත කළ හැක. මෙයින් අදහස් කරන්නේ ඔබව හඳුනා ගත හැකි ඕනෑම දත්තයක් (උදා: ඔබගේ නම, උපන් දිනය, ලිපිනය) ඉවත් කරන බැවින් කිසිවෙකුට ඔබගේ දත්ත ඔබ වෙත සම්බන්ධ කිරීමට නොහැකි වනු ඇති බවයි.
අපි ඔබේ පුද්ගලික දත්ත සහ සංවේදී පුද්ගලික දත්ත කා හට හෙළිදරව් කරන්නේද?
අපි ඔබගේ පුද්ගලික දත්ත සහ/හෝ සංවේදී පුද්ගලික දත්ත හෙළිදරව් කළ හැක්කේ:
- Max පදනම තුළ ඇති ආයතන; සහ
- අපි නීතියෙන් එසේ කිරීමට බැඳී සිටින්නේ නම්, නීතිය ක්‍රියාත්මක කිරීමේ ආයතනය හෝ රාජ්‍ය ආයතනය.
ඔබගේ පුද්ගලික දත්ත සහ සංවේදී පුද්ගලික දත්ත එක්සත් ජනපදයේ සත්කාරකත්වය දරන අපගේ ආරක්ෂිත, වෙබ් පාදක දත්ත ගබඩාවේ ද ගබඩා කර ඇත.
අපි ඔබේ අවසරයකින් තොරව වෙනත් කිසිදු තෙවන පාර්ශවයකට ඔබේ පුද්ගලික දත්ත සහ සංවේදී පුද්ගලික දත්ත හෙළි නොකරන්නෙමු. අපි ඔබේ පුද්ගලික දත්ත සහ/හෝ සංවේදී පුද්ගලික දත්ත ආරක්ෂා කර එය සුරක්ෂිතව ගබඩා කර ඇති බව සහතික කරන්නෙමු.
ඔබේ පුද්ගලික දත්ත සහ සංවේදී පුද්ගලික දත්ත සැකසීමට ඔබ එකඟ නොවීමේ ප්‍රතිවිපාක මොනවාද?
මෙම පුද්ගලික දත්ත පිළිබඳ දැන්වීම යටතේ ඔබගේ පුද්ගලික දත්ත සහ සංවේදී පුද්ගලික දත්ත සැකසීමට ඔබ කැමැත්ත ලබා නොදෙන්නේ නම්, ඔබට Max පදනමේ වැඩසටහන් වලට සහභාගී වීමට නොහැකි විය හැක.
ඔබේ දත්ත ආරක්ෂණ අයිතිවාසිකම්:
පහත දැක්වෙන ඒවා ඇතුළුව දත්ත ආරක්ෂණ නීතිය යටතේ, ඔබට අයිතිවාසිකම් ඇත:
- ඔබට දැනුම් දීමට ඇති අයිතිය – ඔබගේ කුමන දත්ත රැස් කරන්නේ ද, එය භාවිතා කරන්නේ කෙසේද, එය කොපමණ කාලයක් තබා ගන්නේද සහ එය ඕනෑම තෙවන පාර්ශවයක් සමඟ බෙදා ගන්නේද යන්න පිළිබඳව දැනුම් දීමක් ලැබීමට ඔබට අයිතියක් ඇත.
- ඔබගේ ප්‍රවේශ අයිතිය – ඔබගේ පුද්ගලික තොරතුරු වල පිටපතක් ඉල්ලා සිටීමට ඔබට අයිතියක් ඇත.
- නිවැරදි කිරීමේ ඔබේ අයිතිය – ඔබ වැරදි හෝ අසම්පූර්ණ යැයි සිතන තොරතුරු නිවැරදි කිරීමට (වැරදි ඉවත් කිරීමට) අපෙන් ඉල්ලා සිටීමට ඔබට අයිතියක් ඇත.
- මකා දැමීමට ඇති ඔබේ අයිතිය – යම් යම් තත්වයන් යටතේ ඔබගේ පුද්ගලික තොරතුරු මකා දැමීමට අපෙන් ඉල්ලා සිටීමට ඔබට අයිතියක් ඇත.
- සැකසීම සීමා කිරීමට ඔබට ඇති අයිතිය – යම් යම් තත්වයන් යටතේ ඔබගේ තොරතුරු සැකසීම සීමා කරන ලෙස අපෙන් ඉල්ලා සිටීමට ඔබට අයිතියක් ඇත.
- සැකසීමට විරුද්ධ වීමට ඔබට ඇති අයිතිය – යම් යම් තත්වයන් යටතේ ඔබේ පුද්ගලික දත්ත සැකසීමට විරුද්ධ වීමට ඔබට අයිතියක් ඇත.
- දත්ත එහා මෙහා ගෙන යෑමේ හැකියාව ඇති ඔබේ අයිතිය – ඔබ අපට ලබා දුන් තොරතුරු වෙනත් සංවිධානයකට හෝ ඔබට යම් යම් තත්වයන් යටතේ මාරු කරන ලෙස ඉල්ලා සිටීමට ඔබට අයිතියක් ඇත.
- උල්ලංඝනයක් පිළිබඳ දැනුම්දීමක් ලබාගැනීමට ඔබට ඇති අයිතිය – ඔබගේ අනාරක්ෂිත ආරක්ෂා කරන ලද සෞඛ්‍ය තොරතුරු කිසිවක් උල්ලංඝනයක් පිළිබඳව දැනුම් දීමක් ලබා ගැනීමට ඔබට අයිතියක් ඇත..
ඔබේ අයිතිවාසිකම් ක්‍රියාත්මක කිරීම සඳහා ඔබ කිසිදු ගාස්තුවක් ගෙවීමට අවශ්‍ය නොවේ. ඔබ ඉල්ලීමක් කරන්නේ නම්, ඔබට ප්‍රතිචාර දැක්වීමට අපට මාසයක කාලයක් ඇත.
ඔබට ඉල්ලීමක් කිරීමට අවශ්‍ය නම් පහත ලිපිනයෙන් අප හා සම්බන්ධ වන්න:
The Max Foundation
1107 NE 45th Street, Suite 230
Seattle, WA 98105
+1 (206) 778-8660
info@themaxfoundation.org