Informasaun saida mak ami prosesa?
Bainhira pasiente ida partisipa iha programa Max Access Solution (MAS), ami rekolla, rai, no prosesa (koletivamente, “prosesa”) Dadus Pesoál iha kraik ne’e:
- ita-boot nia naran;
- ita-boot nia jéneru;
- ita-boot nia data moris;
- ita-boot nia númeru kontaktu (s);
- ita-boot nia enderesu email;
- ita-boot nia enderesu ba korrespondénsia;
- ospitál no médiku ne’ebé mak ita simu tratamentu ne’e;
- ita-boot nia rendimentu no estatutu finanseiru (karik aplikavel); no
- detallu kontaktu husi ita-boot nia kuidadór (karik aplikavel.
(koletivamente, ita-boot nia “Dadus Pesoál”)
Ba ami atu fó apoiu no kuidadu adekuadu, ami mós sei prosesa Dadus Pesoál Sensitivu iha kraik ne’e:
- ita-boot nia diagnosa;
- ita-boot nia data halo diagnosa;
- tratamentu ne’ebé ita-boot simu;
- data ba ita-boot nia rezultadu teste PCR (Sé aplikavél)
(koletivamente, ita-boot nia “Dadus Pesoál Sensitivu”)
Oinsá no tanbasá ami prosesa ita-boot nia Dadus Pesoál no Dadus Pesoál Sensitivu?
Ami halibur ita-boot nia Dadus Pesoál no Dadus Pesoál Sensitivu diretamente husi ita-boot, ita-boot nia kuidadór no/ka ita-boot nia médiku sira bainhira ita-boot aplika atu partisipa nu’udar pasiente iha ami nia programa MAS ne’e ida. Ami prosesa ita-boot nia Dadus Pesoál no Dadus Pesoál Sensitivu ba objetivu hirak tuir mai:
- atu identifika ita-boot;
- atu komunika ho ita-boot;
- atu fornese apoiu no kuidadu pasiente ba ita-boot;
- atu dizemina informasaun kona-ba ita-boot nia moras ka tratamentu;
- atu permite ami atu kumpre ho ami-nia obrigasaun sira bazeia lei no regulamentu saida de’it;
- objetivu sira seluk ne’ebé liga ho administrasaun no jestaun husi Programa sira.
(koletivamente, “Objetivus”).
Ami bele uza ita-boot nia dadus iha agregadu ida no labele identifika ba publikasaun. Ida-ne’e signifika katak dadus saida de’it mak bele identifika ita-boot (ezemplu ita-boot nia naran, data moris, hela-fatin) sei hasai hodi nune’e laiha ema ida mak bele konekta ka liga ita-boot nia dadus ba ita-boot.
Ami sei fó sai ita-boot nia Dadus Pesoál no Dadus Pesoál Sensitivu ba se?
Ami bele fó sai ita-boot nia Dadus Pesoál no/ka Dadus Pesoál Sensitivu ne’e ba:
- Entidade iha The Max Foundation nia laran; no
- Ajénsia aplikasaun lei ka ajénsia governu nian karik ami obrigadu tenke halo nune’e tuir lei.
Ita-boot nia Dadus Pesoál no Dadus Pesoál Sensitivu ne’e mós sei rai iha ami-nia baze-dadus protejidu bazeada web ne’ebé mak rai iha Estadus Unidus.
Ami sei la fó sai ka divulga ita-boot nia Dadus Pesoál no Dadus Pesoál Sensitivu ba parte terseiru ruma sein ita-boot nia konsentimentu. Ami se salvaguarda ita-boot nia Dadus Pesoál no/ka Dadus Pesoál Sensitivu no garante katak dadus ne’e rai ho seguru.
Konsekuénsia husi ita la konkorda ba prosesamentu ita-boot nia Dadus Pesoál no Dadus Pesoál Sensitivu ne’e mak saida?
Se ita la konkorda ba prosesamentu ita-nia Dadus Pesoál no Dadus Pesoál Sensitivu tuir Notifikasaun Dadus Pesoál ida-ne’e, ita-boot dalaruma labele partisipa iha The Max Foundation nia programa sira.
Ita-boot nia direitu ba protesaun dadus:
Tuir lei protesaun dadus, ita-boot iha direitu sira inklui:
- Ita-boot nia diretu atu hetan informasaun – Ita-boot iha direitu atu hetan informasaun kona-ba ita-boot nia dadus saida mak rekolla ona, kona-ba oinsá ema uza dadus ne’e, dadus ne’e rai to’o bainhira no karik dadus ne’e sei partilla ho parte terseiru ruma.
- Ita-boot nia direitu ba asesu – Ita-boot iha direitu atu husu kopia ida husi ita-boot nia informasaun pesoál ne’e.
- Ita-boot nia direitu ba retifikasaun ka hadi’a – Ita-boot iha direitu atu husu ami atu retifika (kurije) informasaun ne’ebé ita-boot hanoin la akuradu ka la kompletu.
- Ita-boot nia direitu atu apaga – Ita-boot iha direitu atu husu ami atu apaga ita-boot nia informasaun pesoál iha sirkunstánsia balu.
- Ita-boot nia direitu ba restrisaun prosesamentu – Ita-boot iha direitu atu husu ami atu restrita prosesamentu ba ita-boot nia informasaun iha sirkunstánsia balu.
- Ita-boot nia direitu ba protesta prosesamentu – Ita-boot iha diretu atu protesta ba prosesamentu ita-boot nia Dadus Pesoál iha sirkunstánsia balu.
- Ita-boot nia direitu ba portabilidade dadus – Ita-iha direitu atu husu ami transfere informasaun ne’ebé ita-fó ba ami ba organizasaun seluk, ka ba ita, iha sirkunstánsia balu.
- Ita-boot nia direitu atu hetan notifikasaun ba violasaun – Ita iha direitu atu hetan notifikasaun se akontese violasaun ba ita-nia Informasaun Saúde Protejida ne’ebé la seguru.
Sei la obriga ita-boot atu seluk kualkér kustu atu ejerse ita-boot nia direitu sira. Se karik ita-boot halo pedidu ida, ami iha fulan ida atu hatán ba ita-boot.
Favor kontaktu ami iha enderesu tuir mai ne’e, se karik ita-boot hakarak atu halo pedidu ida:
The Max Foundation
1448 NW Market St.
Suite 500
Seattle, WA 98107
+1 (206) 778-8660
info@themaxfoundation.org
